ECCO IN ESCLUSIVA LA POESIA VINCITRICE DEL PREMIO LETTERARIO GIOMO TRICHILO 2019, SVOLTOSI A SIDERNO SABATO 3 AGOSTO 2019:
TITOLO : PATRI
AUTORE: ROCCO CRISEO DI BOVA MARINA
“PATRI”
Voliva mi ti ndaju ccà cu mmia
E mmi ti stringiu forti nto me cori
Mi passu na jornata nsiem’a ttìa
Mi sentu la to vuci e i to paroli
Voliva pemmi tornu figghjoleddu
A ddi mumenti di la cuntentizza
Mi staju mbrazzat’a ttìa nta n’anguleddu
Cercand’a manu toi chi m’accarizza
Voliva mi ti nsonnu comu eri
Mi sentu ancora forti ddà risata
Tu chi leggivi intr’e me penseri
E mi spingivi pe la dritta strata
Oh patri fu assai lestu lu to jiri
Finìu di prescia tuttu lu to dari
Perdìa li to cunsigghji , u to sapiri.
Ddi raggiunati toi. Ddu mod’i fari.
Cridimi patri fu dura la to sorti
Non tizza cchjun’a bamp’o focularu
Ca facigghjuni ti fferrau la morti
Pe ttia non ci fu scampu né riparu
E’ veru chi si nasci e poi si mori
Pùrveri simu e pùrveri tornamu
Ma la to juta mi tagghjau lu cori
Perdìa la tila e puru lu ricamu
Perdìa la canna chi drittu mi teniva
Dda vina d’acqua chi mi rifriscava
Ddu lusc’i luna ch’ì notti mi luciva
Dda frunda chi du suli mi pparava
A vita è chin’e sciali e di duluri
Curri lu tempu e tuttu cangia ntornu
Ti cercu patri sulu nu favuri
L’amuri chi mi dasti mi lu tornu
